CAGAYAN DE ORO CITY-Sugaton sa halapad nga lihok protesta ang ika-155 nga Bonifacio Day ugmang adlawa.
Kini ang gibutyag ni Ringo Lago, ang secretary General sa STAREX-PISTON NorMin Chapter.
Miingon si Lago nga magsugod ang ilang lihok protesta alas 4 sa hapon ug duyugan kini sa nagkadaiyang grupo sa mamumuo, magtutungha ug mga kabatan-onan.
Gibutyag ni Lago nga wala na sila mikuhag permit sa city hall alang sa ilang ilusad nga rally tungod kay ila kining katungod.
Una niini, gi-angkon ni COCPO spokesperson Mardi Hortillosa nga igo ang pwersa sa kapulisan sa pagmonitor sa ilusad nga mga rally alayon sa Bonifacio Day.
