CAGAYAN DE ORO CITY-Nagbahad ang grupong STAREX-PISTON nga daghan pang mga lihok-protesta ang ilang himoon sa tibook Rehiyon-10.
Kini tungod sa modernization program sa Duterte administration ingon man ang pagpatuman sa TRAIN Law nga naghatag dakong epekto sa mga kabus.
Si STAREX-Piston Sec General Ringo Lago miingon nga posibleng maglusad sila’g sobra duha ka adlaw nga tigil-pasada kun ugaling dili paminawon sa administrasyon ang ilang panawagan.
Gani, gihangyo ni Lago ang ahensiya sa gobyerno nga tahuron ang ilang katungod nga mohimo’g lihok-protesta.
Samtang walay laraw ang ilang grupo nga moduso’g petisyon nga tas-an ang pasahe sa mga de-pasayruang jeep.
Matud ni Lago nga maoy ilang ihangyo sa Duterte administration nga hataga’g diskwento ang mga drayber nga magpatubil sa dili mominus 30 ka litro matag adlaw.
Siya miingon nga dili maayo nga patas-an ang pletihan sa commuters tungod kay maoy mahimong makalolooy niini ang mga sumasakay.
