CAGAYAN DE ORO CITY- Gideklara na ang Cagayan de Oro nga ubos sa state of calamity tungod sa pagsaka sa ihap sa kaso sa dengue.
Kini ang gikumpirma ni Committee on Health chairman Kag. Malou Gaane sa pakighinabi sa Bombo Radyo.
Miingon si Gaane nga anaa na sa 16 ka tawo ang namatay sa sakit sa dengue sa syudad.
Una niini,gibutyag ni DoH asst regional director Dr Dave Mendoza nga anaa sa 17-mil ka tawo ang naigo sa dengue sa rehiyon diin 70 ka kinabuhi na ang nakalas sugod Enero hangtod Agosto ning tuiga.
