CAGAYAN DE ORO CITY- Ipaubos na ni Gob Bambi Emano sa dili madugay ang tibuok probinsya sa state of calamity tungod sa dengue.
Kini human nakaabot na sa iyang buhatan ang komunikasyon gikan sa Sangguniang Panlalawigan diin naghangayo nga ipaubos na sa kalamidad ang probinsya sa labing dali nga panahon.
Miingon si Emano nga hulaton niini nga usa ka syudad ug munisipyo ang gikinahanglan nga mag-una’g deklarar sa kalamidad aron basehan usab sa iyang deklarasyon.
Nasayran nga ikaupat ang Misamis Oriental sa tibuok nasud nga dunay taas nga kaso sa dengue diin daghan na niini sa mga biktima ang nangamatay.
