CAGAYAN DE ORO CITY-Mohimo’g Black Friday protest ang tanang prosecutors ug mga empleyado sa National Prosecution Services nga ubos sa Dept of Justice sa tibuok nasud ning adlawa.
Kini human gusto nila ipakita sa gobierno nga wala sila mahimoot sa pakyas nga pagsulbad sa pagpamatay sa ilang mga kaubang prosecutor sa pipila ka bahin sa nasud.
Gibutyag ni Northern Mindanao Regional State Prosecutor Merlynn Uy nga magsul-ob sila sa mga sinina nga itom samtang normal nga mohatag serbisyo sa katawhan nga mo-anha sa ilang opisina.
Hisayrang kabahin sa i-protesta sa state prosecutors ang pag- ambush patay ni late Lanao del Norte provincial prosecutor Atty Macadatar Marsangca niadtong Agosto 2010.
