MANILA – Daghang problema ang Dep-Ed.
Tubag kini ni Pres Bongbong Marcos sa press dihang duna siyang gipakanaug nga “marching order” kang incoming Department of Secretary Senador Sonny Angara.
Mando ni Marcos nga ipasayon ang pagtudlo sa mga magtutungha sa elementary sa Siyensya, Techonolohiya, Engineering ug Matematika o STEM.
Gawas niini, gusto ni Marcos nga ihaw-as sa kalisud ang mga magtutudlo nga lubong sa utang.
Labing ulahing mando sa presidente mao ang pagbubo sa daghang oras sa pagtuon sa Kasaysayan sa Pilipinas.
Nagtoo si Marcos nga kung dunay igong hibalo ang mga magtutungha sa sinugdanan, kaugalig-nan ug mga panghitabo sa kasaysayan, mas masabtan sa mga bag-ong tubo ang paghigugma sa nasud aron mahimong responsabling sibilyan sa Pilipinas.
Opisyal nga mulingkod si Angara isip kalihim sa DepEd sa Hulyo 19. (Bombo Anne Quileste).
