CAGAYAN DE ORO CITY-Gihikay na ang kasong murder nga i-file batok kang Jovel Montebon, 32-anyos kinsa suspek pagdunggab-patay sa iyang stepfather nga si Erlito Rabor, 49-anyos sa Block 3 Poblacion, Bagocboc, Opol Misamis Oriental.
Gibutyag ni SP02 Benhur Peñaluga imbestigador sa Opol Police Station nga tungod sa kahubog misulod ang suspek sa kwarto sa iyang ama-ama ug iyang nahinaykan ang biktima.
Gamit ang 20 pulgadas nga kutsilyo,gidunggab ni Montebon si Rabor sa dughan sa ika pito ka higayon nga miresulta sa kamatayon niini.
Sa pagka karon detinado na ang suspek sa Opol Police Station detention cell.
