CAGAYAN DE ORO CITY-Nangita na’g laing person of interest o POI ang Special Investigation Task Group o SITG nga posibleng nalambigit sa kamatayon ni USTP President Ricardo Rotoras sa Brgy Carmen ning syudad.
Kini human pakyas ang SITG nga mapamatud-an nga dunay kalambigitan sa kamatayon sa biktima ang kapikas niini nga si Zarah Lynn Rotoras.
Gibutyag ni City Police Director Sr/Supt Nelson Aganon nga natubag sa mga igsoon ni Rotoras ingon man ni Zarah Lynn ang mga pangutana dihang gipaubos sila sa SITG sa ‘lie detector test.’
Gumikan niini,mobalik na usab ang SITG sa pagpangita’g POI aron mahatagan sa sulbad ang kamatayon ni Rotoras kinsa gipusil sa duha ka tawo sa tugkaran sa iyang balay niadtong Disyembre 2017.
