CAGAYAN DE ORO CITY – Mihangyo ang Misamis Oriental -Cagayan de Oro City Lotto Agents Association ngadto kang Pres Rodrigo Duterte nga mapaspasan ang imbestigasyon sa gikaingong kurapsyon nga nahitabo sulod sa Philippine Charity Sweeptakes Office.
Kini aron subli ng maka operate ang mga lotto ug STL outlet sa tibuok nasud.
Miingon si MisOr-CdeO Lotto Agents Association Pres Astrid Bana nga nanghinaut silang masilotan ang mga adunay sala nga nakapadalahig nga mapaundang ang operasyon sa mga outlets.
Matud ni Bana nga naglaum silang makabalik na sa pag operate ang anaa sa usa ka libo nga operators sa MisOr nga naapektuhan sa tinunto sa uban.
