CAGAYAN DE ORO CITY, Philippines – Makasinati na sa ‘storm break’ ang Pilipinas samtang samtang nagkahinay ang epekto sa Hanging Habagat sulod sa Philippine Area of Responsibility.
Human maigo sa sagunson nga bagyo gikan sa Bagyong Ferdie, Gener, Bagyong Helen ug Igme, lauman nga wala nay bagyo sa hinapos nga semana sa Setyembre.
Busa, lauman dyutay nga pagsaka sa heat index sugod ning adlaw sa tibook Pilipinas.
Hinoon, sugod ning semanaha, hinay hinay nga mupasulabi ang Northeasterly Windflow o ang bugnaw nga huyop sa hangin gikan sa Extreme Northern Luzon.
Kini nga bugnaw nga hangin sinyales sa pagsulod sa Amihan Season.
Dinhi nagsumikad ang sikat nga linya sa alawitong ‘Malamig ang Simoy ng Hangin’, kay, duol na ang selebrasyon sa Pasko.
Ang Batanes, Babuyan Islands, Ilocos Norte, ug Ilocos Sur makatagamtam sa ulan nga dala sa Habagat.
Samtang ang Eastern Visayas, Caraga, ug Davao Region makasinati sa init nga temperatura ug ulan sa hapon dala sa Easterlies.
Localized thunderstorms ang mupasulabi sa Metro Manila, lakip na dinhi sa Northern Mindanao.
REGIONAL FORECAST:
Ang syudad sa CAGAYAN DE ORO makasinati sa 41% chance of rain sa hapon o gabie dala sa localized thunderstorms.
Busa lauman nga kini nga mga pag-ulan dunay sagol kilat ug dalugdog.
Ang pinakakusog nga huyop sa hangin muabot sa 12 kilometros matag oras.
Ang sukod sa temperatura gibana bana sa 24-32 °C.
Ang heat index sa syudad muabot sa 39 degrees celsius, ilabe na sa pagka alas 12 sa udto padulong alas 3 sa hapon.
Ang VISAYAS AREA maigo sa 24% nga tsansa sa ulan.
Kasarangan padulong sa kusog ang huyop sa hangin nga muabot sa 19 kilometros matag oras
Ang general temperature sa Visayas musukod sa 25-33 °C
Ang heat index muabot sa 43 degrees celsius, ilabe na sa pagka-ala-una sa hapon
Ang MANILA-NCR makatagamtam sa 23% chance of rain sa hapon o gabie, dala sa localized thunderstorms.
Ang pinakakusog nga huyop sa hangin musukod sa 14 kilometros matag oras.
Ang sukod sa temperatura sa rehiyon gibana-bana sa 25-34 °C
Ang heat index muabot sa 45 degrees celsius ilabe sa alas 3 sa hapon.
Ang sunrise: 5:31
Ang sunset: 5:37
