Gisiguro sa bag-ong Supreme Leader sa Iran nga magpabiling abli ang Strait of Hormuz alang sa internasyonal nga komersyo gawas lang sa mga barko nga panag-iya sa Estados Unidos ug Israel.
Gibasura ni Iranian Foreign Minister Abbas Araghchi ang mga kabalaka nga sirad-an nila ang ruta ug miingon nga mga oil tanker ug barko sa ilang mga kalaban ang bawal molabay.
Gitugotan gihapon ang ubang klase sa barko nga walay kalabutan sa giyera nga makasulod ug makalabay sa maong dagat.
Hisayran nga ang Strait of Hormuz usa ka hinungdanon nga ruta sa dagat diin molabay ang kapin sa 20 porsyento sa suplay sa lana sa kalibutan, ug kaniadto natala ang mga insidente sa pag-bomba lakip na ang pag-atake sa barko sa Thailand nga giingon nga walay kalabutan sa tensiyon. (by Phillip Ariata)
