CAGAYAN DE ORO CITY – Gikuha na sa nagkadaiyang local govt units ang dula-g gatus ka overseas Filipino workers o OFWs nga unang stranded sa kauluhan tungod sa coronavirus disease 19.
Kini human sila sugata sa nagkadaiyang local govt units ingon man sa OWWA-10 ug Philippine Coast Guard pagdunggo sa barko sa 2GO diha sa pantalan sa Brgy Macabalan ning syudad.
Miingon si PCG spokesperson Ensign Jerich Ybañez nga gilayong gipaubos sa health protocols ug documentation ang OFWs ayha gitugtan makuha sa local govt units nga naghulat kanila sa pantalan kagahapon sa hapon.
Kini na ang ikaduhang batch sa OFWs nga nakauli pabalik sa syudad ubos sa ‘Balik-Probinsya’ program sa gobierno.
Samtang gilayong gihatagan sa akomodasyon sa city govt ang 97 ka stranded oversease Filipino workers o OFWs nga midunggo sakay sa 2Go vessel sa pantalan sa Macabalan sa syudad.
Kini human natanggong sa duha ka bulan ang OFWs sa kauluhan gikan sa pag-uli nila sa abroad dihang mibuto ang pandemya sa bayrus.
Miingon si City Health Officer Dr Lorraine Nery nga sa maong ihap,22 kanila ang residente sa syudad,26 sa Bukidnon,21 sa Misamis Oriental.
Samtang laing 11 sa Lanao del Norte,siyam sa Iligan City,tulo sa Misamis Occidental,usa sa North Cotabato ug dunay 15 nagnaug sa Dumaguete City nga padulong sa Negros Oriental.
