CAGAYAN DE ORO CITY- Langkaton sa puwesto kadtong mga pulis nga inotil sa pagsumpo sa naghitak nga illegal gambling activities ubos sa ilang
area of responsbility dinhi sa rehiyon.
Panganti kini ni PNP regional director C/Supt Timoteo Pacleb dihang gi-relib niini ang nagkadaiyang police officials aron tahasan sa pagbungkag sa nagkadaiyang ilegal nga pasugal partikular ning syudad.
Miingon si PNP regional spokesperson Supt Lemuel Gonda nga gipatuman ni Pacleb ang ‘ONE STRIKE POLICY’ batok illegal gambling alayon sa mando ni Pres Rodrigo Duterte.
Dugang ni Gonda nga anaa na sa 46 ka tawo ang nasikop diin upat niini ang gikan sa syudad samtang 41 ka kasong kriminal usab ang napasaka na sa korte.
Gawas niini,nasikop usab ang laing 41 ka tawo tungod sa kalambigitan gihapon sa 23 ka nagkadaiyang klase sa illegal nga pasugal nga naglihok sa rehiyon.
