CAGAYAN DE ORO CITY – Gisugyot sa Philippine Army nga magbaton ang kagamhanan sa lig-ong ekonomiya, bastante nga food supply ug han-ay nga katilingban.
Kini sa tinguha nga mahuptan sa Pilipinas ang lig-on nga territorial defense.
Gihimo ni Philippine Army commanding general Lt Gen Roy Galido nunot sa iyang pakigpulong sa 4ID Diamond Troopers nga ubos na sa pagpangulo ni incoming Major General Michelle Anayron Jr.
Miingon si Galido nga kon huyang ang maong mga aspeto, nakahulugan usab kini pakyas makahimo’g pag-depensa ang kagamhanan sa mga teritoryo niini.
Gipasabot niini nga dili angay pasagdan ang mga sundalo apan ipalig-on ang whole of the nation govt approach aron makab-ot ang tingusbawan sa nasud.
Hisayrang nabutang sa dakong hagit ang territorial defense sa Pilipinas tungod sa isyu sa West Philippine Sea nga gisakyan sa China ingon man Amerika.
