CAGAYAN DE ORO CITY, Philippines – Epic Comeback ang pagkampeon sa Strong Group Athletics (SGA) – Pilipinas sa ika-43 nga William Jones Cup. Gipildi sa RP-Team ang Chinese Taipei-A pinaagi sa overtime 83-79, taliwala nga halos gidominar sa iskoring sa “undefeated team” ang 4th qaurter.
Kulbahinam ang ulahing 20 segundos sa pagtapos sa dula.
Si Kiefer Ravena mihimo sa three-pointer sa nahabiling 13.2 segundos aron makuha ang 73-71 nga bintaha, apan wala mosugot ang Chinese Taipei, dihang misulod usab ang bola nga gitira ni Brandon Gilbeck sa ulahing 7.6 segundos, hinungdan nga misangpot ang dula sa overtime.
Mas nahimong intense ang opensa ug depensa managraybal nga pundok sa pagsulod sa unang mga minuto sa overtime.
Nahimong mas grabe ang binayloay sa depensa hangtud nga mipatigbabaw ang dula sa RP-Team.
Kini pa ang unang titulo sa kampeonato nga nasakmit sa Strong Group tungod kay sa milabay’ng bulan, milanding lamang sila sa ‘first runner’ up sa Dubai International Championship human mapildi sa Al Riyad sa finals.
Si Chris McCullough maoy napili nga most valuable player ug nalakip sa Mythical Five, kinsa miiskor sa 12 puntos.
Gipanguluhan ni DJ Fenner ang kadaugan sa SGA pinaagi sa iyang 15 puntos, siyam ka rebounds ug upat ka steals; samtang si RJ Abarrientos adunay 14 puntos.
Ang Strong Group mao ang ikapitong team sa Pilipinas nga nakadaog sa Jones Cup nga adunay katapusang kampeyonato niadtong 2019 pinaagisa kadaugan sa Mighty Sports.
