CAGAYAN DE ORO CITY – Nakahurar na alang sa ikaduhang termino si re-elected Cagayan de Oro 1st District Cong. Lordan Suan alayon sa pagsunod sa laing mandato sa udto sa Hunyo 30 ning tuiga.
Mipahurar sa ulitawo nga kongresista si Besigan Punong Brgy Samuel Minister atubangan sa pamilya niini,mga higala,kauban sa trabaho sa gobierno ug mga kapartido sa Padayon Pilipino pinanguluhan ni Misamis Oriental 2nd District Cong. Bambi Emano kaganihang buntag.
Namahayag si Suan nga dili lang kutob sa seremonya ang paghurar niini apan saad kini alang sa serbisyong matinud-anon ug pagpaubos ngadto sa katawhan sa dakbayan.
Gisaad sa laing higayon ni Suan nga dili madehado ang tingog sa distrito uno pag-abot sa hawanan sa kongreso ilabina sa pagpaninguha sa dugang kalambuan alang sa dakbayan.
Gipasalamatan usab ni Suan ang nakuha nga suporta sa katawhan diin himoon niya nga inspirasyon aron magsilbing kusog sa pagpaningkamot sa hawanan sa kamarabaha.
Hisayrang maoy gikasangka ug napukan sa ikaduhang higayon ni Suan si Carmen Punong Brgy Kikang Uy sa milabay’ng Mayo 12 nga piliay.
