CAGAYAN DE ORO CITY – Gihataga’g katumanan ni Cagayan de Oro 1st District Cong. Lordan Suan nga mohimo’g privilege speech kabahin sa kadudahan nga pagsaka sa gindaghanon sa mga rehistrante sa Brgy Carmen ning syudad.
Kini human gusto ni Suan nga aksyonan sa kamarabaha ang maong isyu dili lang sa Cagayan de Oro City apan bisan ang ubang mga lugar nga adunay managsama nga kaso o isyu.
Miingon si Suan nga makonsiderar nga iskandaluso ang 40 porsiento nga pagsaka sa voter’s registration rason nga angay imbestigaran aron magka-klaruhay alang sa maong isyu.
Una nang namahayag ang kongresista nga namiligro kadtong nga namalhin sa rehistro nga gigamit lang sa politika kay mag-atubang sila’g apil sa kaso nga mapasaka batok sa mga utok niini.
Hisayrang gitratar nga lihok sa politika ang maong kahimuan diin gilauman nga mag-rematch sila ni Suan ug Carmen Punong Brgy Kikang Uy pagka-kongresista sa 2025 elections.
