CAGAYAN DE ORO CITY-Gihagit karon ni opposition City Coun Lordan Suan si Vice Mayor Rainer Joaquin ‘Kikang’ Uy nga ipakita sa publiko ang listahan sa job orders nga nagtrabaho sa iyang opisina ug sa mga alyado niini sa konseho.
Kini aron masuta kon kinsa kanila diha sa konseho ang nakahimo’g nepotismo kon mipatrabaho’g mga paryente nga dakong kasupakan sa balaod.
Gihimo ni Suan ang hagit tungod sa pahayag ni Uy nga tuyo e-hire niini ang miembro sa iyang pamilya ug mga paryente isip job orders.
Namugos si Suan nga mahimo lamang patas si Uy kon ipakita niini sa publiko ang pangalan sa job orders nga ilang gi-hire diha sa konseho.
Samtang dili makabalda sa trabaho sa mga konsehal ang himoong pagpanumbong ni Suan sa DILG batok Uy.
Panganti kini sa bise-mayor tungod sa kasuko ni Suan kaniya gumikan pagdili ma-hire ang mga job order nga miembro lamang sa iyang pamilya.
Si Uy miingon nga dili mahimo nga magpasulabi si Suan nga pahimudsan ang salapi sa katawhan pinaagi sa pag-hire sa kaugalingong pamilya diha sa konseho.
Samtang gihagit ni kanhi bise mayor ug karon convernor sa Citizens Watch for Good Governance o CWGG Atty Antonio Soriano si City Mayor Oscar Moreno nga lingkuran ang bangi sulod sa konseho.
Kini tungod sa lantugi ni Uy ug Suan sa isyu sa pag-hire job orders sa ilang mga opisina.
Si Soriano miingon nga dili maayo nga lalisan ang walay hinungdan nga mga butang kay wala kini pangayua sa katawhan.
