CAGAYAN DE ORO CITY – Lauman ang init nga engkuwentro sa politika sa ikaduhang higayon tali ni 1st District Cong Lordan Suan ug Carmen Punong Brgy Kapitan Kikang Uy sa unang distrito sa dakbayan.
Kini human balibari ni City Mayor Rolando Klarex Uy ang tangya sa Malakanyang nga dili ipadagan si Kikang bugti sa national position aron walay kontra si Suan.
Apan namahayag ang tigpamaba ni Uy nga si Janboy Actub nga pinal na ang hukom sa ONE KAGAY-AN,KAUBAN ANG KATAWHAN COALITION nga banggao’g balik ni Kikang si Suan sa ikaduhang higayon sa pililay.
Lawom ang bangi sa duha ka kandidato sukad pa nga sila mga tinun-an sa abogasiya sa dakong unibersidad ning syudad.
Hisayrang nakurat ang pamilyang Uy nga nagdaug si Mayor Klarex apan nalukapa si Kikang ni Suan nga unta balwarte nila ang unang distrito ilabina ang labing dako nga Brgy Carmen.
