CAGAYAN DE ORO CITY – Giangkon ni Cagayan de Oro 1st District Cong.Lordan Suan nga wala niya matago ang gibating kakulba nga taas-taas nga higayon nga nahuptan ni Carmen Punong Brgy Kikang Uy ang abante sa hagpatay sa mga boto pagka-kongresista alang sa distrito uno ning syudad kagabii.
Kini ang pag-angkon sa kongresista dihang kabahin siya nahidangat sa city council session hall diin sila ipang-proklama isip mga mananaug sa 2025 elections.
Gibutyag ni Suan nga walay bisan kinsa nga dili bation sa maong pagbati isip tawo sanglit naghinobra kadikit ang mga boto nga nakuha nila duha ni Kikang.
Tungod niini,nagtoo kini nga ang 21-mil ka giingong flying voters nga midagsa sa Brgy Carmen ning syudad ang diriyot makapildi kaniya sa maong eleksyon.
Hisayrang sa opisyal nga talaan sa Commission on Elections,kini 88-mil 526 itandi kang Kikang nga 85,099 votes.
