CAGAYAN DE ORO CITY – Gihagit sa grupong Kagayan Heritage Advocates sila Cagayan de Oro 1st District Cong. Lordan Suan ug 2nd District Cong. Rufus Rodriguez nga tinud-anay mobarog alang sa pag-preserbar sa iconic Carmen Bridge sa syudad.
Kini human nagbansiwag ang baruganan ni Suan ug Rodriguez pag-abot sa pagguba o pag-ayo sa maong karaang tulay sa dakbayan.
Miingon si KHA member Arthur Aranas nga unta maghiusa ang duruha paghangyo sa natl govt nga igo lang ayuhon ug dili gub-on kay mawala ang importansya sa nahisgutang tulay.
Una nang gisupak ug nanganti si Rodriguez nga kasuhan ang moguba sa tulay apan alang kang Suan angay masunod ang kagustuhan sa DPWH-Manila.
