CAGAYAN DE ORO CITY – Giakusahan na sa kampo ni Cagayan de Oro 1st District Cong. Lordan Suan nga mihimo’g special operations ang pamilyang Uy alayon sa nagsingabot nga piliay sunod tuig.
Miingon si Suan nga tataw kini nga hinimuan sa ilang mga kaatbang sa politika nga pagpasulod sa laing mga residente aron magamit sa sunod nga piliay.
Nagpasidaan si Suan nga dako kini nga isyu ug namiligro nga dunay makasuhan niini nga brgy opisyales ug bisan sa mga tawo nga nagpagamit alang sa maong kalihukan.
Samtang angayang magtarong sa iyang trabaho ug dili magtumo-tumo’g estorya aron daghang katawhan ang malipay kaniya.
Kini ang tubag ni Carmen Punong Brgy Rainer Joaquin ‘Kikang’ Uy batok sa pasangil ni Cagayan de Oro 1st District Cong. Lordan Suan.
Miingon si Uy nga sayon ra ang pagpasangil apan walay igong basehan nga makaguba lang sa dignidad sa katawhan sa ilang brgy.
Si Kikang ug Suan ang kanhi na nag-engkuwentro pagka-kongresista sa miaging eleksyon ug gilauman ang ilang rematch sa 2025 elections.