CAGAYAN DE ORO CITY-Nasikop sa kapolisan ang sub-leader sa Mapandi Criminal Gang nga nalambigit sa nagkadaiyang dagkong kremin sa Iligan City.
Kini human nadakpan sa kapolisan ang suspek nga si Mohamer Mapandi atol sa anti-illegal drug buy bust operation sa Iligan City.
Nakuha gikan kag Mapandi ang 25 gramos nga shabu nga may street value nga P100-mil,P500 marked money ug 68 ka buot nga tag-P1,000 nga fake money.
Si Iligan City Police Station 5 commander C/Insp Jasper Ian Pasco nga ilang nasikop si Mapandi mismo sa Doña Juana Subdivision, Purok 14, Brgy Pala-o sa dakbayan.
Patung-patong nga kasong kriminal ang ipasaka sa kapolisan batok Mapandi sa piskalya sa maong syudad ning adlawa.
