Tataw nga usa ka dako nga fishing expedition lang ang gustong mahitabo sa nahimong desisyon sa impeachment court nga pag-isyu og subpoena alang sa mga rekord ni Bise Presidente Sara Duterte.
Gipasabot ni Atty. Melchor Magdamo, Legal Counsel sa United People’s Initiative o UPI, atol sa panayam Bombo Radyo nga sama lang kini sa pagpangita og dakong balyena gamit ang dako lambat.
Dako matod pa nga kadudahan kung ngano nga lantawon pa ang mga dokumento nga gikan sa tuig 2007 hangtod 2025, diin lapas na kini sa lima ka tuig nga obligasyon sa mga ahensya sa panggobyerno sa pagtago sa mga rekord.
Busa, giisip kini sa abogado nga usa ka paagi sa pagpangita og ebidensya batok sa bise presidente sulod sa hapit duha ka dekada.
