Subsidiya sa Ph way labot ang kabus ning panahon sa krisis

Paghatag pagbuwis sa mga milyonaryo ang sugyot sa IBON Foundation aron masulbad ang krisis sa lana sa nasud, sumala ni Sonny Africa.Matud niya, misaka og dako ang oil import bill sa Pilipinas ug posibleng modugang og kapin 500 bilyon pesos, hinungdan nga mas mibug-at ang palas-anon sa katawhan kon dili kini masolusyonan sa gobyerno.Gipasabot usab niya nga kinahanglan ipatuman ang subsidyo dili lamang sa transport sector ug mga mag-uuma, kondili apil ang mga kabus nga pamilya aron mapagaan ang epekto sa pagsaka sa presyo sa petrolyo.Dugang pa niya, iyang gikasaway nila ang padayon nga pagpataw sa VAT ug excise tax sa lana sa nasud, ug imbis niini, iyang gisugyot ang pagbuwis sa mga bilyonaryo aron makalikom og pondo nga makatabang sa pagsulbad sa krisis. Gipahinumduman usab ni africa nga ang gobyerno adunay
kapabilidad sa pagpili sa hustong lakang aron dili ang ordinaryong Pilipino ang magpas-an sa bug-at nga epekto sa pagsaka sa presyo sa lana maong dapat lamang nga gamiton niini ang gahom sa pagpatuman sa kaayuhan sa katawhan. –