CAGAYAN DE ORO CITY -Giduaw ni Police Regional Office 10 Director Brig Gen Rolindo Suguilon ang lower unit troops niini nga nakabase sa Misamis Oriental ug Cagayan de Oro City ning adlawa.
Unang gidalikyatan sa heneral ang provincial command headquarters a PNP-MisOr diin gisugat siya ni Director Col. Wilbur Salaguste sa Villanueva sa lalawigan kaganihang buntag.
Bitbit nga mensahe sa heneral ang mga direktiba ni PNP chief General Nicolas Torre III kabahin sa mga prayoridad nga mga programa alang sa tibuok nasud.
Gipalanog sa heneral nga kinahanglang masunod ang mga diriktiba sa kauluhan sa pagsiguro nga mamintinar ang kahusay’g kalinaw nga haom sa sugo sa balaod.
Gikan sa lalawigan,giduaw usab ni Suguilon ang kapolisan sa dakbayan pagkahapon.
Gisugat usab kini ni COCPO City Director Col.Salvador Radam diin susama nga mensahe ang gipalanog niini sa kapolisan sa dakbayan.
