Walay mahitabong live-broadcast sa hearing sa Independent Commission for Infrastructure (ICI).
Katin-awan kini ni Atty Brian Keith Hosaka, Executive Director ug tagpamaba komisyon sa interbyu sa BOMBO RADYO.
Namugos si Hosaka nga magpabiling sirado sa publiko ang imbestigasyon ug pagcross examine sa mga resource person aron malikayan ang “trial by publicity” dungan sa pagprotihir sa integridad sa imbestigasyon batok sa mga iregularidad sa flood control ug uban pang public works projects.
Subli, gipasabot sa ICI nga ang hearing gitumong aron makamugna sa kasong ipasaka sa mga matukbok nga nangawkaw sa kwarta sa katawhan.
Hinoon, miingon si Hosaka nga mahimo pang mabag-o ang palisiya ug dunggon ang hangyo sa publiko.
Una niini, gihingusgan sa Iglesia ni Cristo ang panawagan nga butangan sa livestreaming ang hearing sa ICI aron makahatag sa update sa dagan sa kaso, ug malikayan ang pag “white wash” sa mga testamento sa mga protected witness sa Department of Justice (DOJ).
