“That is a stupid suggestion!” mao kini ang hait nga paghulagway ni Former DepEd Director ug kanhi Vice Governor Joey Pelaez sa sugyot nga ipasando ang mga estudyante ug magtutudlo batok sa kainit sa El Niño.
Gipadayag sa kanhi opisyal nga dili gyud angay dawaton ang maong nakitang solusyon sa gobyerno alang sa sektor sa edukasyon.
Gawas niini, subay sa iyang komedya sa maong sugyot, giingon ni Pelaez nga mas maayong maghubo na lang ang tanan aron mas magmalampuson ang pagkakataw-anan sa gobyerno.
Tungod niini, gipamugos sa opisyal nga nagkinahanglan og seryoso ug tinuod nga proteksyon ang mga tunghaan imbes nga mga binuang nga sugyot ang himoon batok sa hulga sa klima karong panahona.
