CAGAYAN DE ORO CITY-Narekober karon sa kapolisan ang giingong suicide letter diin nagsaysay kon nganong nagpusil-patay sa kaugalingon ang maestro sulod sa prayer room niini sa Upper Carmen syudad.
Namahayag ang imbestigador nga si SPO2 Lloyd Opecio sa Carmen Police Station nga ipadayon pa nila ang pag-imbestigar aron masuta kon tinood ba nga nagpusil-patay sa kaugalingon gamit ang kalibre 45 ang biktima nga si William Jurado.
Dili pa makompirmar sa kapolisan kon tinood nga naghikog si Jurado tungod sa sobra nga presyur sa trabaho isip maestro sa Father Masterson Elementary School sa Upper Balulang sa syudad.
