Dili na pwedeng balewalaon ang nagkataas nga kaso sa pagkutlo sa kaugalingong kinabuhi sa dakbayan sa Cagayan de Oro.
Tungod niini, gipahugtan gihapon sa City Social Welfare and Development o CSWD ang ilang kampanya subay sa Suicide Prevention Awareness Month karong bulana aron mapanalipdan ang matag pamilya batok sa maong trahedya.
Gipahayag ni CSWD Psychosocial PIO CJ Carl Salcedo nga ika-upat na kini nga tuig sa ilang pakigbatok sa maong problema pinaagi sa pagwagtang sa kaulaw sa mental health.
Dugang pa sa opisyal, kinahanglang molihok na ang tanan tungod kay mahimo ra kaayong mapugngan ang pagkutlo sa kinabuhi basta magtinabangay ang matag usa sa katilingban.
