Nagpahinumdom si UNIDA President Joel Gabatan sa mga drayber sa syudad nga magmatinarong sa paghatag og sakto nga sukli sa mga pasahero aron dili madugangan ang init sa ulo taliwala sa pagtaas sa pletehan karong panahona.
Gipahayag sa opisyal nga kinahanglang magpasensyoso ug magbinantayon ang mga drayber aron malikayan ang kasamok ug pagkasumbong sa mga awtoridad sama sa LTFRB ug RTA.
Nanawagan usab ang kapunongan sa mga drayber nga magmatud-anon ilabi na sa mga ordinaryong sumasakay ug trabahante nga naninguha usab taliwala sa lisod nga sitwasyon sa ekonomiya.
Gidugang pa sa opisyal nga mas maayong ampingan ang panginabuhian aron dili mausik ang singot ug hago sa pagpamasada pinaagi sa paglikay sa bug-at nga pinalti o multa gikan sa mga awtoridad.
