CAGAYAN DE ORO CITY – Gikonsiderar sa kapolisan nga rido ang motibo sa pagdunggab-patay sa sundalo sa Yakal-Lirio Streets, Brgy. Carmen ning syudad.
Giila ni Police Major Jelesis Teves, hepe sa Carmen Police Station ang biktima nga si Corporal Tony Hapas,hingkod ang panuigon, minyo, taga Marteres St. Jolo, Sulu ug miyembro sa 4th ID, Philippine Army.
Miingon si Teves nga igo na lamang nakita ang biktima nga nabulit sa dugo daplin sa dalan diin nakaangkon sa duha ka dinunggaban sa liog ug dughan hinungdan sa iyang kamatayon.
Nakuha sa posisyon sa biktima ang usa ka 9mm GLOCK pistol,tulo ka magazine nga puno sa mga bala, black sling bag ug XRM motorcycle.
