CAGAYAN DE ORO CITY – Giangkon sa Branch Manager sa Rural Transit Mindanao Incorporated o RTMI-Bulua nga si John del Castillo nga andam ang pamilya sa namatay’ng sundalo nga makig-settle sa ilang kompaniya sa aksidenteng gikalambigitan niini diha sa Zone 1 Barra Opol, Misamis Oriental.
Si Castillo miingon nga iya nang inisyal nga nakahinabi ang pamilya sa biktima nga si Army Corporal Elleuterio Visoyo Jr., 32 anyos, minyo ug residente sa Zone-1 Sto. Nino Brgy. Bayabas ning syudad.
Andam ang RTMI nga mohatag pinansyal nga tabang sa namatay nga biktima.
Una nang gibutyag ni Opol Police Station commander Police Major Ivary Bacunawa nga nahitabo ang aksidente dihang kalit mi-overtake sa bonggo truck ang bus nga gimaneho ni Arnold Camacho, 47 anyos, taga Aurora Zamboanga del Sur.
Nagresulta kini kalit pagbangga sa motorsiklo ni Visoyo nga maoy hinungdan sa iyang kamatayon.
