CAGAYAN DE ORO CITY – Giagad sa 58th IB,Philippine Army ang pinal nga resulta sa imbestigasyon sa nakit-ang patay nga sundalo sulod sa ilang liason office diha sa Camp Evangelista Patag ning syudad.
Kini human dili pa makakompirmar si 58th IB commander Lt Col Roy Anthony Deliro kon naghikog o tinuyo nga gipatay si Technical Sgt Rogelio Asuncion sulod sa Rear Command Post o RCP kagahapon sa kadlawon.
Miingon si Derilo nga wala usab nila wad-a ang posibilidad nga nagka-problema bahin sa salapi si Asuncion ilabina nga aktibo kining miembro sa napasirad-an nga Kabus Padatoon o KAPA.
Si Asuncion ang nakit-ang may samad sa dughan gikan sa kalibre 45 nga armas samtang anaa sulod sa ilang opisina kagahapon sa kadlawon.
