CAGAYAN DE ORO CITY-Gikasuhan na sa kadagkuan sa Roads and Traffic Administration o RTA ang sundalo nga nakiglalis sa usa ka road enforcer kabahin sa balaod sa trapiko sa JR Borja Bridge sa syudad sa miaging semana.
Kini human wala madala’g hangyo ni PFC Guillmo Lofranco Jr nga nadestino sa 51st IB,Philippine Army si RTA enforcer Mark Sherwin Relevo nga samaron dihang naigo sa tipaka sa M-4 rifle nga gigamit niya pagpabuto.
Miingon si C/Insp Mardy Hortillosa,tigpamaba sa Cagayan de Oro City Police Office nga ubay-ubay’ng kaso ang gipasaka nila batok sa sundalo.
Unang namugos si Relevo nga gisupak ni Lofranco ang balaod hinungdan nga gipugngan niya kini makalahos sa tulay tungod sa sobra ka trapik.
Nasayran usab sa Bombo Radyo nga pipila sa mga driver ang biktima usab sa giingong abuso ni Relevo ning syudad.
