CAGAYAN DE ORO CITY – Patay sa aksidente ang sundalo samtang samaron ang iyang kapikas sa pagka-disgrasya sa gisakyan nila nga motorsiklo diha sa Gemelina Street,Brgy Carmen ning syudad.
Kini human nawad-an sa balanse ang motorsiklo gumikan usab sa kadanlog sa dalan epekto sa pag-ulan.
Giila ang biktima nga si Army Sgt Junel Monte de Ramos,hingkod ang panuigon ug kasamtangang nadestino sa 4th ID,Philippine Army.
Gidala pa sa ospital ang biktima kuyog ang samaron usab niya nga kapikas nga si Rosalyn Monte de Ramos apan pakyas nang maluwas sa mga doktor sa miaging adlaw.
