CAGAYAN DE ORO CITY – Patay ang sundalo ug laing kauban ang samaron sa engkuwentro tali sa 50 ka sakop sa rebeldeng New People’s Army o NPA sa Sitio Guba,Brgy Kalilangan,Iligan City.
Kini human mihimo’g ‘focus military operation’ ang 49th IB,Philippine Army batok sa mga rebelde nga milungtad sa tunga oras.
Giila ni AFP Western Mindanao Command spokesperson Army Maj Arvin Encinas ang namatay nga si Private First Class Espeso kinsa nadala pa ospital ayha nabugtuan sa kinabuhi.
Luwas na usab sa peligro si Army Colporal Morales nga naigo sa abaga.
Nagtoo si Encinas nga may namatay o samaron sa misibat nga mga rebelde kay may mga dugo sa encounter site nga naabtan sa ilang tropa sa miaging adlaw.
