CAGAYAN DE ORO CITY – Namatay tungod sa naangkong mga samad ang sundalo gikan sa mga tipaka sa mibusikad nga bomba nga gitanom sa Maute-ISIS group sa Brgy Tamparong sa Madalum,Lanao del Sur.
Miingon si AFP Western Mindanao Command spokesperson Maj Marvin Encinas nga unang nagka engkuwentro ang tropa sa 55th IB batok sa wala matino nga gindaghanon sa mga teroristra.
Apan sa gihimong clearing operation sa militar,natandugan sa mga sundalo ang improvised explosive device o IED nga gitanom sa mga terorista hinungdan naigo ang usa ka private first class.
Wala makaantos sa mga samad ang biktima hinungdan sa kamatayon niini.
Nagtoo usab ang militar nga may samaron sa mga terorista tungod sa mga dugo nga nakita sa nagsilbing kampo niini nga nailog sa gobierno.
