CAGAYAN DE ORO CITY – Patay na ang sundalo nga kabahin sa upat nga samaron dihang nabuthan sa landmine nga gitanom sa Dawlah Islamiyah Lanao terror group sulod sa ilang kampo sa Brgy Lilitun,Madalum,Lanao del Sur.
Kini human nahagsa ang helicopter sa Philippine Air Force nga modala unta kanila sa pinakaduol nga ospital aron matambalan ang upat ka sakop sa 55th IB,Philippine Army nga migukod sa mga terorista sa lugar.
Gibutyag ni AFP Public Affairs Office chief Navy Capt Jonathan Zata nga nakalupad na ang chopper dihang giingong kalit naigo sa dautan nga panahon hinungdan sa pagkahagsa niini.
Gawas sa upat ka sundalo nga samaran sa landmine explosion,samaron ang mga crew ug piloto sa helicopter nga mihimo’g air evacuation niadtong Huwebes sa hapon.
Una nang gipangita pa sa militar ang lugar nga nahagsaan sa chopper sa bukirang bahin sa Madaum.
