403rd IB,Philippine Army commander Col Edgardo De Leon along with NPA returnee
CAGAYAN DE ORO CITY- Patay ang sundalo samtang gisuta pa sa militar ang casualty sa mga rebeldeng NPA sa laing engkwentro nga natigayon sa Sta. Felomina, Quezon Bukidnon.
Gibutyag ni 88th IB acting commanding military officer Lt Col Franklin Fabic nga milungtad sa 15 minutos ang engkwentro batok na sa 20 ka miembro sa NPA.
Siya miingon nga natigayon ang engkwentro dihang ilang gi-respondehan ang reklamo sa mga sibilyan sa extortion activities nga gihimo sa mga armado sa maong lugar.
Nagtoo si Fabic nga daghang samaron sa panig sa mga NPA ilabina nga may nakita silang mga lama sa dugo sa encounter site.
Samtang gipaniguro sa Armed Forces of the Philippines o AFP nga dili na subling masabotahe sa New Peoples Army o NPA ang gustong botaran sa mga lumad sa 2019 midterm elections.
Gibutyag ni 403rd Brgade Philippine Army commanding officer Col. Edgardo de Leon nga nagpadayon ang ilang gihimong combat operation batok sa mga rebelde ilabina sa Bukidnon area.
Miingon si De Leon nga dili nila tugtang subling maka-panghadlok sa mga lumad ang mga NPA busa nagpadayon ang ilang pagpaningkamot paglakag niini.
