CAGAYAN DE ORO CITY – Gikustodiya sa Valencia City Police Office ang usa ka sundalo nga nanghasi sa Purok-2, Lumbo, Valencia City Bukidnon, kagabii.
Namahayag si Police Major Silvestre Asiong Jr., spokesperson sa Bukidnon Provincial Police Office nga nagkabangi ang suspek nga si PFC Raymund Sarausa, 26 anyos, ulitawo ug ang ang biktima nga si Ariel Ollada, 26 anyos, minyo ug residente sa susamang syudad.
Gibutyag sa reklamante nga gitiunan siya sa armas sa sundalo samtang nagka-init ang ilang bangi.
Gilayong milusad sa hot pursuit operation ang kapulisan human nagpablotter ang biktima ug malampusong nasikop ang suspek.
Nakuha sa iyang posisyon ang iyang 45 kalibre nga armas, nga dunay 20 ka bala ug 3 ka magazine.
Karong Lunes, ipasaka sa biktima ang kasong grave threats ug illegal possesion of firearms kung dili rehistrado ang armas nga narekober sa posisyon sa suspek.
Una niini, ang maong sundalo nakadestino sa 67th IB sa Davao Oriental.
