CAGAYAN DE ORO CITY-Samaron ang sundalo ug pipila ka sakop sa rebeldeng New People’sa Army o NPA sa engkuwentro sa duha ka lungsod sa Misamis Occidental.
Gibutyag ni 1st ID spokesperson Capt Clint Antipala nga natigayon ang unang engkuwentro sa 10th IB batok 15 ka rebeldeng NPA diin gitoohan nga nagbaton sa daghang samdon tungod sa mga ‘lama’ sa dugo sa encounter site.
Miingon si Antipala nga mihimo sa follow up operation ang 102nd IB batok sa mga misibat nga rebelde apan may usa ka sundalo ang nasamdan.
Narekober gikan sa misibat nga mga rebelde ang duha ka AK-47;M-16 with attached M203 grenade;rifle grenades,improvised explosive devices,blastic caps ug ubang kagamitan.
Giatiman na usab sa mga ahensiya sa gobierno ang 87 ka pamilya o 378 ka indibidwal kinsa nangbakwit aron dili maipit sa duha ka adlaw nga engkuwentro sa militar batok mga rebelde sa lungsod sa Jimenez ug Panaon.
