CAGAYAN DE ORO CITY – Gihan-ay na ang kasong reckless imprudence resulting to multiple homicide ug damage to properties batok sa Caraga-based provicial doctor nga nakabangga – patay sa magti-ayon sa Marcos Bridge ning syudad kagahapon sa hapon.
Giila ni Police Investigator Corporal Merchan Fernando sa Traffic Enforcement Unit sa COCPO ang suspek nga si Dr. Bentulan Ken Caraan, minyo ug residente sa San Tubajon,Surigao del Norte.
Dala ni Caraan ang iyang sakyanang Isuzo nga may plate number JEF 6214, kuyog ang iyang tali-anak nga kapikas dihang nahitabo ang aksidente.
Base sa inisyal nga imbestigasyon, kalit nag-U-turn ang suspek hinungdang nabanggaan sa magtiayong sakay sa motorskilo nga sila si army officer Larry de la Cerna nga na-assign sa Task Force Oro ug iyang kapikas nga si Gennie de la Cerna nga nagpuyo sa Zone 8,Brgy Patag ning syudad.
Dead on arrival ang magtiayong De La Cerna pagsulod sa Northern Mindanao Medical Center samtang naka-kustodiya si Caraan sa kapolisan alang sa case filing sa piskalya ning adlawa.
