CAGAYAN DE ORO CITY – Patay ang sundalo ug sakop sa rebeldeng New People’s Army o NPA sa sulod sa duha ka oras nga engkuwentro sa Brgy Kalilangan,Iligan City.
Giila ni AFP Western Mindanao Command spokesperson Maj Arvin Encinas ang sundalo nga si PFC Teddy Ang-ang nga taga- Northern Luzon samtang laing usa pa usab ang samaron sa maong engkuwentro.
Miingon si Encinas nga mihimo’g combat operation ang militar dihang nasugat nila ang dili matumbok nga gindaghanon sa mga sakop sa 14 Sub- Regional Command Unit sa CPP-NPA hinungdan sa engkuwentro.
Nadala pa ang patay’ng lawas ni Ang-Ang sa iyang pamilya samtang luwas na usab sa peligrong kahimtang ang kauban niini nga samaron.
Sa pinakaulahi usab nga report,narekober sa militar ang patay’ng lawas sa rebelde sa lugar diin natigayon ang engkuwentro sa miaging adlaw.
