CAGAYAN DE ORO CITY-Samaron ang usa ka sundalo ug pipila ka sakop sa rebeldeng New People’s Army o NPA sa Sitio Cogon-Cogon,Brgy Manalog,Malaybalay City,Bukidnon.
Kini human nagukod sa 8th IB,Philippine Army ang 30 ka NPA members nga unang mga responsable sa pag-patay kang PO3 Jerry Tropel sa Malaybala City niadtong Pebrero ning tuiga.
Miingon si 8th Infantry Battalion commanding officer Lt Col. Ronald Illana nga hinoon dili peligro ang kahimtang sa ilang sundalo nga napiskan sa bala sa M203 nga gipabuto sa mga rebelde.
Nagtoo usab si Illana nga daghan ang samaron sa mga rebelde tungod sa mga dugo sa encounter site.
Nabawi gikan sa mga misibat nga mga rebelde ang duha ka backpacks, duha ka handheld radio, detonating cord, 200 ka mga bala sa AK47, medical paraphernalia ug mga subversive documents gikan sa mga rebelde.
