CAGAYAN DE ORO CITY – Kasuha’g kriminal ug administratibo sa Cagayan de Oro City Police Office o COCPO ang ilang kaugalingong personahe ug laing sundalo sa 4th ID,Philippine Army diha sa piskalya ning adlawa.
Kini tungod sa pagpakita’g dili maayong taras mismo sa atubangan sa mga pulis sa Carmen Police Station samtang pugsanon nga kuhaon ang motorsiklo nga nakompiskar sa ant-theft operation sa Brgy Carmen sa miaging semana.
Giila ni COCPO spokesperson Maj Evan Viñas ang pangkasuhan nga sila si Patrolman Bhenjie Torib,26 anyos,ulitawo,intelligence operative sa Cugman Police Station nga taga-Sugbongcogon,Misamis Oriental ug Army Sgt Erenio Besonia Jr,34 anyos,aktibong sakop sa 4th ID,Philippine Army nga taga-Lala,Lanao del Norte.
Hinoon,ma-piyansahan ang mga kasong atubangon sa mga suspek kinsa nagdumili paghatag komento sa Bombo Radyo batok sa ilang gihimo.
