CAGAYAN DE ORO CITY- Itugyan na sa Misamis Oriental Provincial Jail ang kustodiya sa sundalo nga nakabangga-patay sa pito ka Maranao-Muslims ug pagkaangol sa laing walo sa dugu-ong aksidente sa Manticao,Misamis Oriental.
Kini human naduso na ang patung-patong nga kasong kriminal batok kang Army Technical Sgt Danny Tenezo sa piskalya ning syudad kagahapong adlawa.
Gibutyag sa imbestigador nga si PO2 Mario Aniñon sa Manticao Police Station nga nangayo’g preliminary investigation
sa piskalya si Tenezo aron kini makapiyansa batok sa iyang giatubang nga mga kaso.
Si Tenezo ang nag-drive sa APC army vehicle dihang nabanggaan niini ang passenger van hinungdan sa aksidente sa miaging gabii.
