CAGAYAN DE ORO CITY – Gipanghimakak sa 403rd IB,Philippine Army ang pasiatab sa CPP-NPA nga napatyan sila sa daghang mga sundalo sa engkuwentro sa lungsod sa Cabanglasan,Bukidnon.
Kini human unang gibutyag sa nagpaila nga Dereka Magtanggol nga walo ka sundalo ang namatay ug daghan ang samaron sa maong engkuwentro sa miaging adlaw.
Gibutyag ni 403rd IB commander Brig Gen Ferdinand Barandon nga may usa lamang ka sundalo ang natapsingan apan anaa na sa luwas nga kahimtang.
Nagtoo usab ang heneral nga may mga samaron sa panig sa mga rebelde tungod sa mga dugo nga nakit-an sa encounter site sa miaging adlaw.
Una nang gibutyag nga nga anaa na sa luwas nga kahimtang si PFC Jed Dumaque nga napiskan ang mata ug dughan sa maong engkuwentro.
