CAGAYAN DE ORO CITY-Nagpadayon ang hot pursuit operation sa militar batok sa mi-ikyas nga New People’s Army kon NPA human ang panagsangka didto sa Cabanglasan,Bukidnon.
Nagpahigayon ug security patrol ang militar ubos sa 8th Infantry Battalion dihang ilang na-engkwentro ang wala matinong gidaghanon sa mga NPA.
Na-angol atol sa maong engkwentro si Cpl Tubos, cadre sa Silae patrol base nga naka-base usab sa maong lungsod.Mi-ikyas usab padulong sa amihanang-sidlakang bahin sa lungsod ang mga NPA human sa engkwentro.
Una niini, nakita usab ang presensya sa mga NPA sa lungsod sa Maramag ug Talakag sa maong lalawigan.
