CAGAYAN DE ORO CITY –Samaron ang bukton sa sundalo nga kabahin sa mihimo’g pag-atake batok sa mga miembro sa Sub-Region Committee o SRC-4 sa North Central Mindanao Regional Committee sa rebeldeng New People’s Army o NPA sa Brgy Kaatu-an,Lanatapan,Bukidnon.
Kini human gisugat sa mga bala ang 1st Special Forces Batallion nga mosulod sa kota sa mga rebelde hinungdan sa pagkaangol ni Army Corporal Perez.
Miingon si 403rd IB,Philippine Army commander Brig Gen Edgardo de Leon nga ang natumbo ang kampo sa mga kaaway epekto sa pag-surender sa mass base supporters diin bitbit ang siyam ka mga armas sa miaging semana.
Samtang nagtoo ang heneral nga daghan ang samaron gikan sa mga misibat nga mga rebelde kagahapon sa udto.Samtang gihugtan sa PNP ang road checkpoints sa entrance ug exit areas nga sulod sa probinsya sa Bukidnon ug silingan mga lugar niini.
Kini sa tuyo nga masapon sa kapolisan ang mga rebeldeng NPA nga unang gika-engkuwentro sa militar sa lungsod sa Lantapan kagahapong adlawa.
Miingon si Police Regional Office 10 spokesperson Lt Col Mardi Hortillosa nga nasilyuhan na ang mga lugar nga posibleng agian sa NPA rebels kinsa gitoohan nga mga samaron nga nakasibat sa engkuwentro.
